Slapovi Slovenije (1993-1998) Waterfalls of Slovenia

Bistriški šum (lirlo) apud Zgornja Nova vas ne estas vera akvofalo, ĉar ĝi pli glitas sur deklivo, ol falas, sed donas al vi impreson de la vera kaskado. Kio estas kaskado dependas nur de via persona impreso! Ekskurso al tiu loko povas esti eksterordinara travivaĵo aparte pro restaĵoj el romia epoko: malnova romia ŝtonminejo. Percepto de spaco estas tie unika. Similan travivaĵon havis tiuj kiuj vizitis ŝtonan teatron en Hellbrun apud Salzburgo.

ALIREBLO: Slovenska Bistrica- Zgornja Nova vas. Ĝis Bistriški šum estas kelkaj alireblecoj. Eble la plej facila estas jena: de ŝoseo tra Zgornja Nova vas, ĉe domo n-ro 7 (supermara alto 618 m) kondukas veturvojo longa 1000 m ĝis Bistrica kiu situas 90 m pli malsupre. Veturvojo nin kondukas ĝis rivereto en formo de litero S. Ĉe maldekstra bordo estas videblaj restaĵoj de romia ŝtonminejo. Al alia bordo kondukas ligna piedponteto. Pado de tie komencas iomete leviĝi sur dekstra bordo de Bistrica. Post 200 m de pasita vojo estas vojmontrilo, kiu montras direkton de Bistriški šum. Ankoraŭ 200 m kaj ni jam estas super Bistriški šum (ĝis ĉi tie estas 1400 m de marŝo). Ni povas daŭrigi la vojon pluen per vojo tra Bistriški Vintgar. Vojeto baldaŭ dividiĝas al direkto de Ančkovo gradišče kaj dekstren apud rivereto supen. Ni trapasas trabon supr rivereto kaj laŭ markita vojo daŭrigas per maldekstra bordo supren ĝis vojmontrilo “Gastejo Dovnik”. Vojmontrilo montras dekstren tra veturvojo kovrita per herbo. Ni iras supren ĝis pinto de monto-paŝtejo (supermara alto 730 m). Ĉe la fino de paŝtejo estas montara bieno de kie restas ankoraŭ 1 km de marŝo malsupren ĝis Zgornja Nova vas. La tuta marŝita vojo estas longa 3,5 km. Por la tuta ekskurso vi bezonas 2 horojn de “familia” promeno. Kvankam la vojo estas facila vi bezonas almenaŭ sportajn pantoflojn aŭ alpinistajn ŝuojn.

Burger Landmarks / MojaSlovenija.si

Digitalizacija dediščine: (c) Boštjan Burger, (1993) 1996-2024